Grilluð rif


Broil King Uppskriftir Grilluð rif

Rifjagrind (fylgihlutur #62602) auðveldar grillun á rifjum en ef slík grind er ekki til staðar má reyna að stilla rifjunum upp á rönd þannig að þau styðji hvert við annað.

Hráefni

  • 1,5 kg rif
  • Salt og pipar eftir smekk

Gljái
  • 2,5 dl tómatsósa
  • 2 msk púðursykur
  • 1,5 dl vatn
  • 1 dl Worcestershire-sósa
  • 1 msk chiliduft
  • Skvetta af Tabasco-sósu

Aðferð

  1. Eldið rifin með óbeinni grillun: Setjið álbakka á ryðfríu stálburstirnar undir grillgrindinni.
  2. Hellið 2,5 cm djúpu lagi af vatni eða öðrum vökva, svo sem eplasíder, víni eða blöndu af þessu, í bakkann.
  3. Setjið grillgrindina aftur á og forhitið grillið á „MEDIUM“.
  4. Togið fituhimnuna á bakhlið rifjanna af með fingrunum. (Til að kjötið verði sem meyrast er mjög mikilvægt að gera þetta.) Skerið hvert rifjastykki í minni bita, um það bil 15 cm á breidd. Saltið stykkin og piprið og komið þeim fyrir á rifjastandinum á grillinu. Setjið stykkin lóðrétt á standinn, þannig að beinið vísi upp.
  5. Eldið rifin hægt, við vægan hita, í um það bil 1 1⁄2 klukkustund, þar til kjötið er mjög meyrt.
  6. Blandið á meðan hinum hráefnunum saman í potti, látið suðuna koma upp og sjóðið þar til gljáinn er þykkur.
  7. Penslið rifin með gljáanum rétt áður en grilltímanum lýkur, til að forðast að sykurinn í legin brenni.
  8. Ef gljáinn er heitur smýgur hann betur inn í kjötið og það tekur í sig meira bragð.
  9. Látið rifin standa í 5 mínútur áður en þau eru borin fram.


Kíktu á þessa fylgihluti.