Kryddlegið grænmeti


Broil King Uppskriftir Kryddlegið grænmeti

Eigðu góða samverustund við grillið með þessari spennandi grilluppskrift og öðrum grillhugmyndum fyrir fjölskylduna og vinina.

Hráefni

  • 1/2 rauðlaukur, skorinn langsum
  • 1/2 rauð paprika, skorin langsum
  • 1/2 gul paprika, skorin langsum
  • 3 litlir kúrbítar, sneiddir langsum
  • 6 gulrætur í strimlum
  • 18 grænir sperglar, skornir í þrjá hluta hver
  • Salt og pipar eftir smekk
  • 2 hvítlauksgeirar, saxaðir
  • 3 msk ólífuolía
  • 2 msk balsamedik
  • 1 msk ferskt óreganó, saxað
  • 1 msk ferskt tímían
  • 1 tsk nýmalaður svartur pipar

Aðferð

  1. Forhitið grillið með því að stilla á „HIGH“.
  2. Útbúið kryddlöginn: Pískið hvítlauk, ólífuolíu, balsamedik, kryddjurtir, salt og pipar saman í meðalstórri skál. Setjið lauk og papriku út í kryddlöginn. Takið lauk og papriku úr leginum og grillið á „MEDIUM“ í 3 mínútur á hvorri hlið, eða þar til grænmetið fer að brúnast svolítið. Penslið kúrbítssneiðarnar með kryddleginum og grillið í 2-3 mínútur á hvorri hlið, þar til þær fara að brúnast. Geymið afganginn af kryddleginum.
  3. Skerið grillaða grænmetið í stóra, þríhyrnda bita.
  4. Sjóðið á meðan gulrætur og spergla í saltvatni þar til grænmetið er farið að mýkjast en er enn með biti. Skolið vel með ísköldu vatni og látið þorna.
  5. Hitið kryddlöginn sem var afgangs í litlum potti, við lágan hita. Leggið grænmetið í heitan kryddlöginn. Kryddið með balsamediki, salti og pipar.


Kíktu á þessa fylgihluti.