Grænmeti á wok-pönnu


Broil King Uppskriftir Grænmeti á wok-pönnu

Eigðu góða samverustund við grillið með þessari spennandi grilluppskrift og öðrum grillhugmyndum fyrir fjölskylduna og vinina.

Hráefni

  • 5 dl spergilkál í litlum bitum
  • 5 dl blómkál í litlum bitum
  • 1 rauð paprika, skorin í 2,5 cm teninga
  • 1 kúrbítur, skorinn í 1 cm þykkar sneiðar
  • 2,5 dl gulrætur, skornar í sneiðar á ská
  • 2,5 dl sykurertur (stilkurinn hreinsaður frá)
  • 3 laukar, skornir í sneiðar á ská

Kryddlögur
  • 2 msk repjuolía
  • 1 msk sesamolía
  • 1 tsk asísk chilisósa
  • 1 msk nýkreistur límónusafi
  • 1 msk ostrusósa
  • 1 msk hunang
  • 1 hvítlauksgeiri, pressaður
  • 1 msk ferskt engifer, rifið
  • 1 tsk gróft salt

Skraut
  • 2 msk ferskur kóríander, saxaður
  • 2 msk þurrristuð sesamfræ

Aðferð

  1. Hreinsið og sneiðið allt grænmetið og setjið í stóra skál. Blandið öllum hráefnunum í kryddlöginn saman í minni skál. Hellið kryddleginum yfir grænmetið og veltið grænmetinu vel upp úr leginum.
  2. Forhitið grillið á „HIGH“ og setjið wok-pönnuna á grillgrindina. Notið beina grillun.
  3. Penslið eða úðið pönnuna vel með jurtaolíu. Setjið allt grænmetið í wok-pönnuna og steikið það hratt á öllum hliðum með því að velta því á pönnunni. Lokið því næst grillinu.
  4. Notið grilltöngina til að snúa grænmetinu á pönnunni af og til. Steikið það áfram í 10 mínútur, eða þar til grænmetið virðist orðið stökkt og er farið að taka fallegan lit. Hafið grillið lokað þegar ekki er verið að hræra í grænmetinu.
  5. Takið wok-pönnuna af grillinu og hellið steiktu grænmetinu á framreiðslufat. Stráið söxuðum kóríander og þurrristuðum sesamfræjum yfir og berið fram strax.
  6. Grænmetið er að hluta wok-steikt og að hluta ofnbakað og þessi aðferð gerir það sérlega gómsætt, með fallegri karamellíseringu.


Kíktu á þessa fylgihluti.